HABAKUK
1 Sɛ gbi nɛ imi gbalɔ Habakuk,* i nu ngɛ nina mi ji nɛ ɔ nɛ. I de ke:
2 Oo Yehowa, kɛ yaa si mɛni be nɛ ma fo ya kɛ bi yemi kɛ buami loko o maa bu mi tue?+
Kɛ yaa si mɛni be nɛ ma bi nɛ o je mi kɛ je yiwutso níhi a mi loko o maa ye bua mi?+
3 Mɛni he je nɛ o ha nɛ i naa ní yayahi ɔ?
Nɛ mɛni he je nɛ o ngmɛ blɔ nɛ yi mi wami ngɛ nɔ yae jã a?
Mɛni he je nɛ o ha nɛ i naa hɛ mi kpatami kɛ yiwutso ní peepeehi ɔ?
Nɛ mɛni he je nɛ pɛ kɛ kunɔ pɔ he jã a?
4 Enɛ ɔ he ɔ, mlaa tsu we ní,
Nɛ a yi dami sane kulaa.
Ejakaa yiwutsotsɛmɛ bɔle dali kɛ kpe;
Enɛ ɔ he je nɛ a yi dami sane ɔ nɛ.+
5 “Nyɛɛ hyɛ je ma amɛ nɛ nyɛɛ bu tue!
Nyɛɛ hyɛ mɛ too nɛ́ nyɛ nya nɛ kpɛ nyɛ he;
Ejakaa nɔ́ ko maa ya nɔ ngɛ nyɛ ligbi ɔmɛ a mi
Nɛ́ ke a de nyɛ po nyɛ be hee maa ye.+
A ya tuaa zugba kpɔhi fuu
Nɛ a kpɔ̃ɔ wehi nɛ pi a nɔ́.+
7 A he ngɛ gbeye, nɛ a he sawale nuɔ nihi.
A woɔ mɛ nitsɛmɛ a mlaahi nɛ a kɛ mɛ nitsɛmɛ a he wami* lɛ tsuɔ ní.+
8 A we okpɔngɔ ɔmɛ a he sɔɔ kaa ngatsɛhi,
A he ngɛ gbeye pe ogbeteehi ngɛ diblii mi.+
A ta okpɔngɔ ɔmɛ tuɔ kɛ yaa hɛ mi;
A we okpɔngɔ ɔmɛ je tsitsaa kɛ ba.
A kpleɔ si kɛ fo kaa kɔle nɛ hɛɛ fo kɛ yaa ye ní.+
9 Mɛ tsuo a kɛ ma a hɛ mi kaa a maa ye awi.+
Ke a bua a he nya kɛ ma a, a hɛ mi ngɛ kaa puje he kɔɔhiɔ,+
Nɛ a nuu nyɔguɛhi babauu kaa zia.
10 A yeɔ matsɛmɛ a he fɛu
Nɛ a muɔɔ ma nikɔtɔma amɛ.+
A muɔɔ ma fɛɛ ma nɛ a fia gbogbo kɛ wo he ɔ;+
A buaa zu nya, nɛ e peeɔ kaa kpoku nɛ a kuɔɔ kɛ ya ngɔɔ ma amɛ.
11 Nɛ a yaa a hɛ mi kaa kɔɔhiɔ, nɛ a ya guɔ zugba a nɔ kɛ beɔ,
Se a maa ye fɔ,+
12 Oo Yehowa, anɛ pi mo nɛ o ngɛ kɛ je blema lokoo ɔ lo?+
Oo ye Mawu, ye Nɔ Klɔuklɔu, o be gboe.*+
13 O hɛngmɛ ngɛ klɔuklɔu pe nɛ́ o maa hyɛ ní yayahi,
Nɛ o be nyɛe maa hyɛ nɛ ní yayahi nɛ́ a hi nɔ yae.+
Lɛɛ mɛni he je nɛ o ngmɛɔ nihi nɛ a yi anɔkuale ɔ blɔ+
Nɛ o maa o nya nɛ yayami peeli miɔ nihi nɛ a da pe mɛ ɔ?+
14 Mɛni he je nɛ o ha nɛ nɔmlɔ pee kaa wo mi lo ɔ,
Kaa níhi nɛ a sãã si nɛ a be nɔ yelɔ ko ɔ?
15 E* kɛ gbowe nuɔ ní nɛ ɔmɛ tsuo.
Enɛ ɔ he je nɛ e nyaa wawɛɛ ɔ nɛ.+
16 Lɔ ɔ he je nɛ e sãã afɔlehi kɛ haa e we adlai ɔ,
Nɛ e sãã afɔlehi* kɛ haa e we atsiki ɔ nɛ;
Ejakaa ní nɛ ɔmɛ haa nɛ e náa ní,*
Nɛ e yeɔ niye ní kpakpa.
17 Anɛ e maa ya nɔ maa ngɔ e we adlai ɔ kɛ hi mɛ nue nɛ e maa hi mɛ jee ngɛ mi lo?
Anɛ e maa ya nɔ maa hi je ma amɛ gbee nɛ e mi mi be lɛ sãe lo?+
Ma ya nɔ ma hwɔɔ konɛ ma hyɛ nɔ́ nɛ e ma de kɛ gu ye nɔ
Kɛ nɔ́ nɛ ma de ke a kã ye hɛ mi.
2 Kɛkɛ nɛ Yehowa ha mi heto ke:
“Ngmaa nina a kɛ fɔ si, nɛ o kpɛ́ ngɛ tɛ tɛtlɛɛ nɔ,+
Konɛ e kanemi nɛ ko ye ha nɔ nɛ ngɛ kanee nɛ́ e je kpo ɔ.+
3 Ejakaa be nɛ a to nɛ nina a kɛ maa ba mi ɔ sui lolo,
E ma kɛ fo, nɛ e maa ba mi kɛ̃.
Ke e se kɛ po,* moo ya nɔ nɛ o hyɛ blɔ!*+
Ejakaa e maa ba mi kokooko.
Nɛ e be se kpɛe!
Se nɔ nɛ da a lɛɛ, e we anɔkuale yemi ɔ* ma ha nɛ e hi wami mi.+
5 Ngɛ anɔkuale mi ɔ, akɛnɛ wai sisiɔ nɔ he je ɔ,
Nyumu nɛ woɔ e he nɔ ɔ be oti nɛ e kɛ ma e hɛ mi ɔ he sue.
E yaa nɔ nɛ e buaa je ma amɛ tsuo a nya
Nɛ e buaa ni ɔmɛ tsuo a nya kɛ haa e he.+
6 Anɛ nimli nɛ ɔmɛ tsuo be lɛ abɛ bue, a be lɛ blakpa fiae* nɛ a be ajo siae kɛ si lɛ lo?+
A ma de ke:
‘Musu tloo nɔ nɛ buaa níhi nɛ pi e nɔ́ nya
Nɛ́ e haa nɛ hiɔ nɛ e ye ɔ kleɔ ɔ!
Kɛ yaa si mɛni be?
7 Anɛ nihi nɛ o ye mɛ hiɔ ɔ, a be si tee tlukaa lo?
A maa te si nɛ a ma hoso mo wawɛɛ,
Nɛ o maa pee kaa ta yibu ní kɛ ha mɛ nɛ́ a maa muɔɔ.+
8 Akɛnɛ o ha je ma amɛ a níhi he je ɔ,
Je mahi nɛ piɛ ɔ tsuo maa ha o níhi,+
Ejakaa o pue nihi a muɔ si
Nɛ o wa zugba a,
Kɛ mahi kɛ nihi nɛ a ngɛ a mi ɔ yi mi.+
9 Musu tloo nɔ nɛ peeɔ ní yayahi konɛ e we ɔ nɛ ná he se,
Bɔ nɛ pee nɛ e pee e tsu ɔ ngɛ kɔɔhiɔ mi tsitsaa,
Konɛ e kɛ je amanehlu dɛ mi ɔ!
10 Ga nɛ o to ɔ ngɔ he guɛ gbemi kɛ ba o we ɔ nɔ.
Akɛnɛ o kpata nihi babauu a hɛ mi he je ɔ, o pee yayami kɛ si mo nitsɛ o he.*+
11 Ejakaa tɛ ko ma kpa ngmlaa kɛ je gbogbo ɔ mi,
Nɛ plai ma he nɔ kɛ je tsu yi bumi tso ɔmɛ a kpɛti.
12 Musu tloo nɔ nɛ kɛ muɔ si puemi poɔ ma,
Nɛ́ e peeɔ nɔ́ nɛ dɛ kɛ toɔ ma sisi ɔ!
13 Hyɛ! Anɛ pi Yehowa tabohiatsɛ nɛ haa nɛ nihi tsuɔ ní wawɛɛ, nɛ́ e ya gbeɔ nya ngɛ la mi,
Nɛ́ je ma amɛ gboɔ yaka dengme ɔ lo?+
15 Musu tloo nɔ nɛ haa e huɛmɛ nɔ́ ko nɛ́ a nu,
Nɛ́ e kɛ abofu kɛ mi mi la woɔ mi konɛ a de,
Bɔ nɛ pee nɛ e hyɛ a he gu ɔ!
16 O ma hyi tɔ kɛ hɛ mi si puemi mohu pe hɛ mi nyami.
Mo hu moo nu eko konɛ a na heii kaa a pui mo.*
Kplu nɛ ngɛ Yehowa hiɔ nine mi ɔ maa ba o ngɔ,+
Nɛ hɛ mi si puemi maa ha o hɛ mi nyami ɔ nɔ;
17 Ejakaa awi nɛ o ye Lebanon ɔ eko maa ba o nɔ,
Nɛ hɛ mi kpatami nɛ wo lohwe awi yeli ɔmɛ a he gbeye ɔ eko maa ba o nɔ,
Ejakaa o pue nihi a muɔ si
Nɛ o wa zugba a,
Kɛ mahi kɛ nihi nɛ a ngɛ a mi ɔ yi mi.+
18 Ke amaga peelɔ hlɔ amaga kɛ ma si ɔ
Mɛni se nami lɛ ngɛ he?
Mɛni se nami lɛ ngɛ dade amaga kɛ lakpa tsɔɔlɔ he,
Ke nɔ nɛ pee amaga a kɛ e hɛ fɔ nɔ,
Nɛ e pee mawuhi nɛ a tui munyu nɛ se nami ko be a he ɔ?+
19 Musu tloo nɔ nɛ deɔ tso ke, “O hɛ nɛ tsɛ̃!”
Aloo nɔ nɛ deɔ tɛ nɛ tui munyu ke, “Tee si! Tsɔɔ wɔ ní! ɔ.”
20 Se Yehowa ngɛ e sɔlemi we klɔuklɔu ɔ mi.+
Nyɛ zugba a tsuo, nyɛɛ pee dii ngɛ e hɛ mi!’”+
3 Gbalɔ Habakuk sɔlemi nɛ ngɛ kaa aywilɛho yemi la a ji nɛ ɔ nɛ:
2 Oo Yehowa, i nu o he sane.
Oo Yehowa, o ní tsumi ɔ peeɔ mi nyakpɛ.
Moo pee ní nguahi ekohu ngɛ jeha amɛ a mi!*
Ha nɛ nihi nɛ a le ngɛ jeha amɛ a mi.*
Mo kai nɛ o je o mɔbɔ nami ɔ kpo ke basabasa peemi ngɛ nɔ yae.+
E we agboje ɔ kpe hiɔwe ɔ tsuo;+
E yi jemi ɔ hyi zugba a nɔ tsuo tɔ.
4 E kpɛmi ɔ ngɛ kaa la.+
La enyɔ kpɛ kɛ je e dɛ mi,
He nɛ e he wami ɔ laa ngɛ ɔ.
5 Hiɔ nɛ sãã nɔ nyɛɛ e hɛ mi,+
Nɛ asla nɛ nya wa nyɛɛ e se.
6 E da si nɛ e hoso zugba a.+
E hyɛ je ma amɛ, kɛkɛ nɛ a bɔni kpokpomi.+
Yokuhi nɛ a ngɛ kɛ je blema lokoo ɔ ywia,
Nɛ kponguhi nɛ a ngɛ kɛ je blema a kɛ a hɛ mi bu si.+
E nɔ́ ji blɔhi nɛ a ngɛ kɛ je blema lokoo ɔ tsuo.
7 I na haomi ngɛ Kushan bo tsu ɔmɛ a mi.
Bo tsuhi a he bohi nɛ ngɛ Midian zugba a nɔ ɔ kpokpo.+
8 Oo Yehowa, anɛ pa amɛ lɛ o mi mi fu wawɛɛ ɔ lo,
Anɛ pa amɛ lo?
Aloo wo ɔ lɛ o mi mi fu ɔ?+
9 O je o kɛ̃ɛ̃ ɔ kpo nɛ o pee lɛ klaalo.
O ta hwumi ní ɔmɛ* pee klaalo kaa a ma tsu ní kaa bɔ nɛ o kã kita ngɛ a nɔ ɔ.* (Sela)
O kɛ pahi gba zugba a mi.
10 Benɛ yoku ɔmɛ na mo ɔ, a he mi ye mɛ wawɛɛ.+
Hiɔmi nɛ wawɛɛ nɛ nyu hyi zugba a nɔ tɔ.
Nyu ɔmɛ wo gbi kɛ je muɔ voo ɔ mi.+
A te da si kɛ ya hiɔwe.
11 Pu ɔ kɛ nyɔhiɔ ɔ da si ngɛ a hi he nɛ ngɛ hiɔwe ɔ.+
O kɛ̃ɛ̃ mi bi ɔmɛ je kpo kɛ ho kaa la.+
O we akplɔ ɔ kpɛ kaa oslabai.
12 O kɛ abofu nɛ nya wa nyɛɛ kɛ be ngɛ zugba a nɔ.
O kɛ abofu naa je ma amɛ a nɔ.*
13 O je kpo konɛ o he o ma a yi wami, nɛ o he nɔ nɛ o pɔ lɛ nu ɔ yi wami.
O ywia yiwutsotsɛmɛ a we ɔ nya dalɔ ɔ.*
A kpata we ɔ hɛ mi kɛ je e yi mi* kɛ ba si e sisi tomi ɔ nɔ. (Sela)
14 Benɛ a hia kɛ ma konɛ a ba gbɛ mi kɛ fia a,
O kɛ e tabuli ɔmɛ a nyatsɛ ɔ nitsɛ ta hwumi níhi* gbɔ e yi.
A bua jɔ wawɛɛ kaa a ma kpata nɔ nɛ ngɛ nɔ́ nae ɔ hɛ mi ngɛ laami mi.
15 O kɛ o we okpɔngɔ ɔmɛ gu wo ɔ mi kɛ be,
Kɛ gu nyu babauu nɛ pee hamahama a mi.
Ye wu ɔmɛ a mi bɔni sami;+
Ye nanehi bɔni domi ngɛ ye sisi.
Se i pee dii kɛ mlɛ haomi ligbi ɔ,+
Ejakaa e ma nihi nɛ a ba tua wɔ ɔ a nɔ.
17 E ma nyɛ maa ba kaa fig tso ɔmɛ be mɔmɔ tsɛ̃e,
Nɛ tso yiblii ko be wai tso ɔmɛ a nɔ hie;
E ma nyɛ maa ba kaa oliv tso ɔmɛ be yiblii woe,
Nɛ ngmɔ ɔmɛ* be ní bae;
E ma nyɛ maa ba kaa to ɔmɛ maa ta to tsu ɔ mi,
Nɛ na ko hu be na tsu ɔ mi hie mohu lɛɛ;
18 Se imi lɛɛ, ma nya ngɛ Yehowa mi;
Nɛ ye bua maa jɔ wawɛɛ ngɛ Mawu nɛ heɔ ye yi wami ɔ mi.+
19 Nyɔmtsɛ Matsɛ Yehowa ji ye he wami;+
E ma ha nɛ ye nanehi maa pee kaa afugbɛ nanehi
Nɛ e ma ha nɛ ma nyɛɛ ngɛ hehi nɛ a ya hiɔwe.+
Kɛ ha la nɔ hyɛlɔ ɔ; á fia kɛ ye kpa sakuhi.
Eko ɔ, e sisi ji “Bua Jɔmi Nɛ Se Be Nɛ́ A Kɛ Fuaa Nɔ Atuu.”
Aloo “hɛ mi nyami.”
Baiblo komɛ de ke “a mawu ɔ ji a he wami.”
Baiblo komɛ de ke “wa be gboe.”
Aloo “hɛ mi kami.”
Nɛ ji, Kaldeabi ɔmɛ nɛ a ji he nyɛli ɔmɛ.
Aloo “ya ngua a.”
Aloo “ya wayo.”
Aloo “tsopa kɛ e he via.”
Ngɛ Hebri gbi mi ɔ, “náa niye ní nɛ zɔ ngɛ he saminya.”
Aloo “e pee kaa nɔ́ nɛ e se ngɛ kɛe po.”
Aloo “moo mlɛ lɛ wawɛɛ.”
Aloo “Hyɛ! Nɔ nɛ e klaa fu ɔ.”
Baiblo komɛ de ke “e hemi kɛ yemi ɔ.”
Aloo “E klaa.”
Ngɛ Hebri gbi mi ɔ, “Sheol.” Hyɛ Munyu Komɛ A Sisi Tsɔɔmi.
Aloo “ahama sãe kɛ si lɛ.”
Aloo “o klaa.”
Baiblo komɛ de ke “nɛ o dede.”
Baiblo komɛ de ke “ngɛ wa be ɔ mi.”
Baiblo komɛ de ke “ngɛ wa be ɔ mi.”
Aloo “ji yi wami hemi.”
Baiblo komɛ de ke “kɛ̃ɛ̃ ɔmɛ.”
Baiblo komɛ de ke “A tu kitahi nɛ kɔɔ weku ɔmɛ a he ɔ a he munyu.”
Ngɛ Hebri gbi mi ɔ, “fiaa je ma amɛ ní.”
Ngɛ Hebri gbi mi ɔ, “yi ɔ.”
Ngɛ Hebri gbi mi ɔ, “e kuɛ.”
Ngɛ Hebri gbi mi ɔ, “e we akplɔ ɔ.”
Ngɛ Hebri gbi mi ɔ, “ye mi mi kpokpo.”
Aloo “kpongu ɔmɛ.”